नेप्सेमा थपिँयो ५ लाख ३४ हजार कित्ता बोनस शेयर

२४ चैत, काठमाडौं । नेप्सेमा एक कम्पनीको बोनस शेयर सूचीकृत भएको छ । नेप्सेमा चैत २४ गते बिहीबार विजय लघुवित्त वित्तीय संस्था लिमिटेडको २०.०३ प्रतिशत बोनस बापतको ५ लाख ३४ हजार २५ दशमलव १५ कित्ता शेयर सूचीकृत भएको हो ।

विजय लघुवित्त वित्तीय संस्था लिमिटेडको पौष २४ गते, शनिबार, गैँडाकोट रिसोर्ट, नवलपरासीमा सम्पन्न भएको नवौँ वार्षिक साधारण सभाले सञ्चालक समितिको बैठकले गरेको निर्णय अनुसार गत आर्थिक वर्ष २०७७/७८ को मुनाफाबाट संस्थाका शेयरधनीहरूलाई चुक्ता पूँजीको २०.०३१ प्रतिशत बोनस सेयर र कर प्रयोजनका लागि १.०५४ प्रतिशत नगद गरी कुल २१.०८५ प्रतिशत लाभांश वितरण गर्ने प्रस्ताव पारित गरेको थियो।