७१ जना निर्वाचन अधिकृत हटाएर आयोगले दियो नयाँलाई नियुक्ति

२४ चैत, काठमाडौं ।  निर्वाचन आयोगले विभिन्न कारण देखाई काम नगर्ने भनेका ७१ निर्वाचन अधिकृतलाई हटाएर नयाँ अधिकृतहरू नियुक्त गरेको जनाएको छ ।

स्थानीय तह निर्वाचनका लागि यसअघि नियुक्त गरिएका ७१ निर्वाचन अधिकृतहरूले विभिन्न कारण देखाएर काम गर्न नसक्ने निवेदन दिएपछि उनीहरूलाई हटाएर नयाँ नियुक्त गरिएको आयोगको भनाई छ ।

आयोगका सहायक प्रवक्ता सूर्यप्रसाद अर्यालले आयोगको बिहीबारको बैठकमा यसको जानकारी गराएका हुन् ।

आयोगको चैत २३ को निर्णयअनुसार ७१ जना निर्वाचन अधिकृतहरूलाई विभिन्न कारणले जिम्मेवारी बहन गर्न नसक्ने भएको हुनाले हटाएर ७१ जनालाई नै नयाँ नियुक्त दिइएको उनले बताए । नयाँ ७१ ज्ना यसअघि आएका नामबाट नै छनोट गरिएका छन् ।