पुस्तिकाबाट हराएको छैन हप्तामा दुई दिन बिदा दिने मन्त्रिपरिषदको निर्णय

२५, चैत, काठमाडौं ।  शुक्रबार बिहानैदेखि चोक चोकमा चर्चाको विषय थियो, बैशाख १ गतेदेखि हप्तामा दुई दिन विदा दिने सरकरी निर्णय । मुख्य गरी इन्धनको आयात कम गरी व्यापार घाटा घटाउने उदेश्यले सरकारलाई केही समय दुई दिन विदा दिन सबै क्षेत्रबाट सुझाव पनि आएको थियो ।

श्ुक्रबार सार्वजनिक गरिएका मन्त्रिपरिषदका निर्णयहरुमा त्यो विषय छैन् । बैठक सकिए लगत्तै मन्त्रीहरुले नै दुई दिन विदा दिने निर्णय भयो भनेर प्रचार गरेका थिए । बिहीबारको मन्त्रिपरिषद बैठकले हप्तामा दुई दिन सार्वजनिक बिदा दिने निर्णय गरेको खबर सर्वत्र भइसकेको छ ।

प्रधामन्त्री शेरबहादुर देउवाको सचिवालय स्रोतले दिएको जानकारी अनु्सार निर्णय पुस्तिकाबाट उक्त निर्णय हराएको छैन । सार्वजनिक मात्र नगरिएको हो ।

दुई दिन बिदा दिने नीतिगत निर्णय नै भइसकेको छ । शनिबार र आइतबार दुईदिन बिदा दिने निर्णय नीतिगत रुपमा मात्र भएकाले त्यसलाई सार्वजनिक नगरिएको हो ।

शनिबार र आइतबार दुबै दिन बिदा दिएपछि शुक्रबारको आधा दिनको बिदा पनि कटौती गर्नुपर्ने, हप्तामै दुई दिन बिदा दिने भएपछि राष्ट्रिय बिदाको दिन हिसाव गर्नुपर्ने लगायतका काम बाँकी रहेकाले निर्णय सार्वजनिक नगरिएको स्रोतको भनाई छ ।