ग्रीन भेञ्चर्सको आईपीओले कति पाउला ओपन रेञ्ज ?

२५ चैत, काठमाडौं । ग्रीन भेञ्चर्स लिमिटेडले सर्वसाधारण लगानीकर्ताको लागि निष्कासन गरेको आईपीओ बाँडफाँड गरेको छ ।

कम्पनीले सर्वसाधारण लगानीकर्ताको लागि निष्कासन गरेको आईपीओ चैत २० गते बाँडफाँड गरेको हो । कम्पनीको आईपीओ बाँडफाँड गरेपश्चात अब दोस्रो बजारमा कारोबारको लागि कति पाउला ओपनिङ रेञ्ज ?

नेप्सेले कम्पनीको आईपीओलाई पहिलो कारोबारको लागि ओपन रेञ्ज न्यूनतम ९१ दशमलव ८६ देखि २७५ दशमलव शून्य ४ पाउने देखिएको छ ।

कम्पनीको आव २०७७/७८ को बास्तविका प्रतिशेयर नेटवर्थ ९१ दशमलव ८६ रहेकोले उक्त रेञ्ज पाउने देखिएको हो । नेप्सेले कम्पनीको पहिलो कारोबारको लागि नेटवर्थको तीन गुणासम्म मूल्य रेञ्ज तोक्ने गर्दछ सोही कारण उक्त मूल्य रेञ्ज पाउने देखिएको हो ।

कम्पनीको आइपीओ सूचीकरण प्रक्रियामा रहेको छ । कम्पनीले चैत ८ गतेदेखि ११ गतेसम्म कुल ३१ लाख २५ हजार कित्ता आइपीओ निष्कासन गरेको थियो । जसमध्ये १ लाख ५६ हजार २५० कित्ता कर्मचारीका लागि,९३ हजार ७५० कित्ता कर्मचारीको लागि र बाँकी रहेको २८ लाख ७५ हजार कित्ता साधारण शेयर सर्वसाधारणको लागि निष्कासन गरेको हो ।

कम्पनीको आईपीओ २१ लाख ६ हजार ५१६ आवेदकहरुलाई गोलाप्रथाको माध्यमबाट बाँडफाँटमा सहभागी गराइएको थियो । जसमध्येबाट २ लाख ८७ हजार ५ सय जना आवेदकहरुले १० कित्ताका दरले शेयर पाएका हुन् ।