नेपाल राष्ट्र बैंककाे कार्यबाहक गभर्नरमा डेपुटी गभर्नर ढुंगाना

२५ चैत, काठमाडौं ।  सरकारले नेपाल राष्ट्र बैंकका गभर्नर महाप्रसाद अधिकारीलाई निलम्बन गरेको छ । डेपुटी गभर्नर निलम ढुंगानालाई कार्यबाहक दिइएको छ ।

मन्त्रिपरिषद्को बिहीबारको बैठकले अधिकारीमाथि छानबिन गर्ने निर्णय गर्दै छानबिन समिति पनि गठन गरेको थियो । शुक्रबार अधिकारीले सरकारले आफूमाथि गरेको निर्णय सम्बन्धी पत्र बुझिसकेका छन् ।

अधिकारीले पत्र पाएको विषय अर्थमन्त्री जनार्दन शर्मा र गभर्नर महाप्रसाद अधिकारी बीचको भनाभनको स्थितिले पनि देखाएको थियो ।

शुक्रबार नेपाल राष्ट्र बैंकले आयोजना गरेको ‘अर्थशास्त्र र वित्त सम्बन्धी राष्ट्रिय सम्मेलन’को उद्घाटनमा अर्थमन्त्री शर्माले दिएको अभिव्यक्तिप्रति गभर्नर अधिकारीले आपक्ति जनाएका थिए ।

केही समयदेखि अर्थमन्त्री, गभर्नर र योजना आयोगको उपाध्यक्षबीच समन्वयनको अभावले अर्थतन्त्र समस्यामा परेको टिप्पणी समेत हुन थालेको थियो ।