चुनावपछि एमाले किलो र समाजवादी टनको साइजमा आउँछः खनाल

२६ चैत, काठमाडौं । नेकपा एकीकृत समाजवादीका नेता झलनाथ खनालले आगामी निर्वाचनपछि नेकपा एमालेको साइज किलोमा र नेकपा समाजवादीको साइज टनमा पुग्ने बताएका छन् । उनले एमाले भन्दा समाजवादी पार्टी धेरै सिट बढी जित्ने दावी गरेका छन्

शनिबार काठमाडौंमा आयोजित आमसभामा सम्बोधन गर्दै खनालले नेकपा एमालेका अध्यक्ष केपी शर्मा ओलीले अरु पार्टीलाई किलोको ढक भनेकामा आपत्ति जनाए । उनले आफ्नो पार्टी किलो र क्वीन्टल नभई मेट्रिक टनको हिसावमा अगाडी बढीरहेको दावी गरे ।

अहिले प्रत्येक जिल्लामा एकीकृत समाजवादीको अकार ठूलो भएको भन्दै उनले भने ‘टन मात्र होइन, दशौं टनको बन्दैछ । तपाइहरु हेर्दै जानुस समाजवादीको हैसियत चुनावपछि कहाँ उक्लिँदो रहेछ ।’