ओलीले मदन भण्डारीको नाम भजाएर एमालेमा राजनीति गरिरहेको अध्यक्ष नेपालको आरोप

२६ चैत, काठमाडौं । नेकपा एकीकृत समाजवादीका अध्यक्ष माधवकुमार नेपालले केपी शर्मा ओलीले मदन भण्डारीको नाम दुरुपयोग गरी एमालेमा राजनीति गरिरहेको आरोप लगाएका छन् ।

उनले एमालेका अध्यक्ष ओलीसँग क’नै राजनीतिक भिजन र सिदान्त नै नभएको बताएका छन् ।

काठमाडौंमा आयोजित सभालाई सम्बोधन गर्दै शनिबार नेपालल भण्डारीले ल्याएको राजनीतिक सिद्धान्त जनताको बहुदलीय जनवादलाई ओलीले गलतरूपमा प्रयोग गरिरहेको बताए ।

एमालेले मदन भण्डारीको नामको दुर्नाम गर्दा जबजको मान्यतामा कुठाराघात भइरहेको उनको भनाई छ ।

उनले एमालेमा रहेका इमानदार नेताहरू एकीकृत समाजवादीमा फर्किइरहेको दावइ गर्दै आफूहरूले नयाँ पार्टी गठन गरेर कम्युनिस्ट पार्टीको निरन्तरता बोकेको भनाई राखे ।

नेपालले अबको निर्वाचनमा कृषि, उद्योग, उत्पादन, वनको प्रयोग गरेर समृद्धिमा मुलुकलाई लैजानुपर्ने बताए ।

उनले विदेशबाट सीप सिकेर आएका युवाहरूको सीप नेपालमा सदुपयोग गर्नुपर्ने,विज्ञान र प्रविधिको प्रचूर मात्रामा सदुपयोग गरेर अगाडि बढ्नुपर्ने बताए । मुलुकको नेतृत्व गैरजिम्मेवार व्यक्तिको हातमा पुग्दा देशले दुःख पाएको उनको भनाई छ ।