दुई वाणिज्य बैंकले राष्ट्र बैंकको निर्देशन उल्लघंन गरे

२७ चैत, काठमाडौं । दुई वाणिज्य बैंकले राष्ट्र बैंकको निर्देशन उल्लघंन गरेका छन् । एनसीसी र हिमालयन बैंकले राष्ट्र बैंकको निर्देशन उल्लघंन गरेका हुन् । हालै केन्द्रीय बैंकले बैंकहरुलाई विलासी बस्तुको प्रतित पत्र अर्थात ‘एलसी’ नखोल्न भएको थियो ।

हिमालयन र नेपाल क्रेडिट एन्ड कमर्स बैंकले राष्ट्र बैंकको निर्देशन विपरित एलसी खोलेर निर्देशन उल्लघंन गरेका छन् ।

यी दुई बैंकले मंगलबार र बुधबार विलासी वस्तुको एलसी खोलेका छन् ।

एनसीसीले विलासीको सूचीमा रहेको कस्मेटिक्स आयातका लागि एलसी खोलिदिएको छ भने हिमालयन बैंकले कार्पेट र मोबाइल आयातका लागि नयाँ एलसी खोलिएको हो । यी दुई वटै बैंकले खोले ‘एलसी‘ बस्तु विलासी बस्तुमा पर्दछन् ।

गत सोमबार केन्द्रीय बैंकले सम्पूर्ण वाणिज्य बैंकका सीईओहरुलाई बोलाएर अत्यावश्यकबाहेकका वस्तुको एलसी नखोल्न भनेको थियो ।