आधा दर्जन कम्पनीको शेयर खरिद गर्दा बोनस खान पाइने ?

२७ चैत, काठमाडौं । नेप्सेमा सूचीकृत आधा दर्जन कम्पनीको लाभांश घोषणा गरि बुक क्लोज गर्न बाँकी रहेको छ । गत वर्षको मुनाफाबाट लाभांश घोषणा गरि किसान लघुवित्त, लम्बिनी जनरल इन्स्योरेन्स, एभरेष्ट इन्स्योरेन्स, सगरमाथा इन्स्योरेन्स, नेपाल इन्स्योरेन्स र विन नेपाल लघुवित्तले बुक क्लोज गरेका छैनन् ।

यी ६ वटै कम्पनीको शेयर खरिद गर्दा लाभांश पाइने भएको छ । यी कम्पनीको बुक क्लोज अघिल्लो दिनसम्म शेयर खरिद गर्नेले लाभांश पाउने भएका हुन् । नेप्सेमा सूचीकृत करिब १७५ कम्पनीले गत वर्षको मुनाफाबाट लाभांश समेत पारित गरिसकेका छन् ।

कुन कुन कम्पनीले तोके बुक क्लोज मिति ?

हाल बुक क्लोज गर्न बाँकी ६ कम्पनीमध्ये एभरेष्ट इन्स्योरेन्सले भने बुक क्लोज मिति तय गरिसकेको छ । भने बाँकी पाँच कम्पनीले बुक क्लोज मिति तय गरेका छैनन् ।

एभरेष्ट इन्स्योरेन्सले कूल ६ दशमलव ३१५ प्रतिशत लाभांश घोषणा गरेको छ । कम्पनीले साधारणसभा र लाभांश प्रयोजनको लागि बैशाख १२ गते बुक क्लोज गदैछ । यद्दपी बैशाख ११ गतेसम्म कम्पनीको शेयर खरिद गर्नेले बोनस पाउनेछन् ।

पाँच कम्पनीले अझै तोकेनन् बुक क्लोज मिति ?

त्यस्तै, लाभांश घोषणा गर्ने पाँच वटा कम्पनीले अझै बुक क्लोज मिति तय गरेका छैनन् । गत वर्षको मुनाफाबाट लाभांश घोषणा गरेका सगरमाथा इन्स्योरेन्स, नेपाल इन्स्योरेन्स, वीन नेपाल लघुवित्त, लुम्बिनी जनरल इन्स्योरेन्स र किसान लघुवित्तले बुक क्लोज मिति तय गरेका छैनन् ।