निर्वाचन खर्चबारे डा. कोइरालाको भनाइप्रति निर्वाचन आयोग संवेदनशील

२७ चैत, काठमाडौं । नेपाली कांग्रेसका नेता डा. शशांक कोइरालाले अध्याधिक खर्च गर्ने परिपाटी विकास भएकाले सच्चा र इमान्दार व्यक्ति निर्वाचन लड्न नसक्ने आवस्था आएको भन्दै  राखेको अभिव्यक्तिलाई निर्वाचन आयोगले गम्भिर रुपमा लिएको जनाएको छ । कोइरालाले पहिलो पल्ट शनिबार निर्वाचन खर्चका विषयमा बताएका थिए ।

कांग्रेस नेता शशांक कोइरालाले शनिबार आफुले तीन वटा निर्वाचन लड्दा ९ कोरो माथि खर्च भएको र अब चुनाव लड्न नसकिने अवस्था आएको बताएका थिए । उनले अघिल्लो प्रतिनिधी सभा निर्वाचनमा ६ करोड खर्च भएको जानकारी कार्यकतालाई गराएका थिए ।

त्यो भन्दा अघिल्लो निर्वाचनमा ३ करोड खर्च भएको तर, अर्को निर्वाचन आउँदा दोब्रले खर्च बढेको भनि दिएको अभिव्यक्ति निकै संवेदनशील रुपमा लिएको आयोगले जनाएको छ । कोइरालाको भनाई निर्वाचन आयोगले दिएको खर्चको सीमा भन्दा धेरै परक देखिएको छ ।

आयोगका एक उच्च कर्मचारीले दिएको जानकारी अनुसार यस विषयमा आगुक्तहरुबीच छलफल हुनेछ । निर्वाचन आयोगले अघिल्लो निर्वाचनमा आफ्नो ६ करोड रुपैंया खर्च भएको भनी नेपाली कांग्रेसका पूर्वमहामन्त्री शशांक कोइरालाले दिएको अभिव्यक्तिलाई ‘नोटिस’मा लिँदै छलफल गर्ने भएको हो ।

निर्वाचन आचारसंहिता जारी भएको अवस्थामा निर्वाचन नजिकिदै जाँदा त्यसलाई नियन्त्रण गर्न कठिनाई हुने भन्दै आयोगले छानविन र कारवाहीका लागि योजना बनाउने बताइएको छ ।