नगद मार्जिन तोकेका ४७ समुहका वस्तुको एलसी नखुल्ने निर्णय

२८ चैत, काठमाडौं । नेपाल राष्ट्र बैंकले नगद मार्जिन तोकेका ४७ समुहका वस्तुको एलसी तत्काललाई नखुल्ने नेपाल बैकर्स संघले निर्णय गरेको छ ।

संघको आइतबारको बैठकले नेपाल राष्ट्र बैंकले आयात गर्दा नगद मार्जिन राख्नु पर्ने वस्तुको एलसी नखुलाउने निर्णय गरेको हो ।

तत्काललाई राष्ट्र बैंकको मौखिक निर्देशन बमोजिम नै अत्यावश्यक बाहेकका बस्तुको एलसी नखोल्न भनेको थियो । सोही मौखिक निर्देशनको एक सातापछि बैकर्स संघले सो निर्णय गरेको हो ।

बैकर्स संघले नगद मार्जिन तोकेका चिनी, चकलेट, चुइगम, इनर्जी ड्रिङ्क, चुरोट, अत्तर, शृङ्गारका सामाग्री, स्याम्पु, कपालमा लगाउने तेल, काठका सामग्री र फर्निचर, जुत्ता, टोपी, छाता, कृत्रिम फूल, मार्बल, ट्वाइलेट र भान्छा कोठाका सामाग्री, चाँदी, फलामका फर्निचर, प्लास्टिकका फर्निचर तथा गाडी तथा मोटरसाइकलको आयातको एलसी खोल्ने छैन ।