मंगलबार बलेफी हाइड्रोपावरको आईपीओ बाँडफाँड, तीन जनाले पाउनेछन् ११ कित्ता

२८ चैत, काठमाडौं । बलेफी हाइड्रोपावर कम्पनीको आईपीओ मंगलवार बाँडफाँड हुने भएको छ ।

विक्री प्रबन्धक ग्लोबल आइएमई क्यापिटलका अनुसार कम्पनीको आईपीओ मंगलवार बाँडफाँड गर्ने तयारी भइरहेको छ । कम्पनीको आईपीओ प्रि–अलोटमन्ट भने शुक्रवार सम्पन्न भइसकेको छ । कम्पनीले चैते १६ गतेदेखि २१ गतेसम्म १८ लाख २७ हजार ९७० कित्ता आईपीओ निष्कासन गरेको हो ।

कम्पनीले सर्वसाधारणका लागि विक्री गरिने कुल कित्ता शेयरमध्ये ४ प्रतिशत अर्थात् ७३ हजार ११९ कित्ता शेयर कम्पनीका कर्मचारीहरुका लागि र ५ प्रतिशत अर्थात् ९१ हजार ३९८ कित्ता शेयर सामूहिक लगानी कोषका लागि सुरक्षित गरी बाँकी १६ लाख ६३ हजार ४५३ कित्ता शेयर सार्वजनिक निष्कासनमार्फत विक्रीमा ल्याएको हो ।

कम्पनीले सर्वसाधारणको लागि छुट्याएको १६ लाख ६३ हजार ४५३ कित्ता शेयर नेपाल धितोपत्र बोर्डको निर्देशिका अनुसार गोलाप्रथाबाट बाँडफाँड हुँदा १ लाख ६६ हजार ३४५ जनाले आईपीओ पाउनेछन् । तीन जनाले भने कम्पनीको ११ कित्ताको दरले आईपीओ हात पार्न सफल हुनेछन् ।

उक्त आईपीओमाा अन्तिम दिन सम्ममा २२ लाख ६९ हजार ४१६ जनाले २ करोड ६२ लाख २२ हजार ९७० कित्ताका लागि आवेदन दिएका थिए । यस आधारमा कम्पनीले निष्कासन गरेको आईपीओमा मागभन्दा १५ दशमलव ७६ गुणा आवेदन परेको छ । जसमध्येबाट १ लाख ६६ हजार ३४५ जनाले १० कित्ताका लागि दरले आईपीओ पाउने छन् ।