गभर्नर निलम्बनपछि चौतर्फी बिरोध खेपीरहेका अर्थमन्त्री शर्माले बोलाए पत्रकार सम्मेलन

२८ चैत, काठमाडौं । नेपाल राष्ट्र बैंकका गभर्नर महाप्रसाद अधिकारीलाई निलम्बन गरेपछि अर्थमन्त्री जनार्दन शर्माले पहिलो पटक पत्रकार सम्मेलन गर्न लागेका छन् । अर्थमन्त्री शर्माले आज ४ बजे अर्थमन्त्रालयको सुवर्ण हलमा आयोजना गरेको पत्रकार सम्मेलनमा आफ्नो बचाउ गर्ने सम्भावना रहेको छ ।

अर्थमन्त्री शर्माले संचार माध्यमहरुलाई पठाएको पत्रमा अर्थमन्त्रालयद्धारा देशको अर्थतन्त्रको बर्तमान अवस्थाको बारेमा जानकारी गराउने उद्देश्यले यस्तो पत्रकार सम्मेलनको आयोजना गरिएको जनाएका छन् ।

अर्थमन्त्रीको सिफारिसमा गत बिहीबारको मन्त्रीपरिषद्को बैठकले गभर्नर अधिकारीलाई निलम्बित गर्ने निर्णय गरेको थियो । उक्त निर्णयको चौतर्फी बिरोध भएपछि अर्थमन्त्री शर्माले आफ्नो बचाउन गर्नका लागि पत्रकार सम्मेलन गर्न लागेको बुझिएको छ ।