नेपाल लाइफ इन्स्योरेन्सको सर्वाधिक ७ करोड ७५ लाख बराबरको शेयर खरीदबिक्री

२८ चैत, काठमाडौं । सोमबार शेयरबजारमा नेपाल लाइफ इन्स्योरेन्सको सर्वाधिक शेयर खरीदविक्री भएको छ ।

उक्त अवधिमा कारोबारमा आएका २२७ ओटा कम्पनीमध्ये उक्त कम्पनीको ७ करोड ७५ लाख बराबरको शेयर खरीदविक्री भएको हो ।

कम्पनीको शेयरमूल्य प्रतिकित्ता ९५० मा कारोबार भइरहेको छ । कम्पनीको शेयरमूल्य डेढ वर्ष यताकै न्यूनतम विन्दुमा आएकाले पनि सर्वाधिक शेयर खरीदविक्री भएको हो ।

यो समाचार तयार पार्दासम्म नेप्से परिसूचक १९ दशमलव ०६ अंक घटेर २ हजार ४४५ दशमलव ३० विन्दुमा झरेको छ भने कुल १ अर्ब ४० करोड रुपैयाँ बराबरको शेयर खरीदविक्री भएको छ।