चुनावी मोडालिटीलाई अन्तिम रुपदिन सत्तारुढ गठबन्धनको बैठक बस्दै

२९ चैत काठमाडौं । सोमबार संयुक्त अपील जारी गरेका सत्तारुढ पाँच दलले मंगलबार स्थानीय तहको निर्वाचनमा गठबन्धन दलभित्र चुनावी तालमेलको मोडालिटीलाई अन्तिम रुप दिने भएका छन् ।

कांग्रेसका वरिष्ठ नेता रामचन्द्र पौडेलले संयोजकत्वमा गठित समितिले स्थानीय निर्वाचनलाई सफलतापूर्वक सम्पन्न गर्ने विषयमा छलफल गरी तयार पारेको चुनावी तालमेलको मोडालिटीबारे आजको बैठकमा छलफल हुनेछ ।

सत्ता गठबन्धनको बैठक मंगबार अपरान्ह ४ बजे प्रधामन्त्रीको सरकारी निवास बालुवाटारमा बस्ने छ । स्थानीय तहका उम्मेदवारहरुको नाम आगामी बैशाख ५ गतेभित्रमा टुंग्याई सक्नुपर्ने भएकाले पनि सत्ता गठबन्धनका दलहरु द्यवावमा छन् ।

सोमबार बालुवाटारमा बसेको सत्ता गठबन्धन बैठकपछि सरकारका प्रवक्ता तथा सञ्चारमन्त्री ज्ञानेन्द्रबहादुर कार्कीले कसरी निर्वाचन सफल बनाउने भन्ने विषयमा छलफल केन्द्रित हुने जानकारी दिए ।

बैठकमा स्थानीय निर्वाचनलाई कसरी सफलतापूर्वक सम्पन्न गर्ने र गठबन्धन समर्थित उमेदवारहरुलाई कसरी विजय गराउने भन्नेबारेमा छलफल केन्द्रित हुने बताइएको छ ।