अब निर्वाचन सार्न मिल्दैन, सारियो भने देश दुर्घटनामा जान्छः थपलिया

२९ चैत, विराटनगर । निर्वाचन आयोग नेपालका प्रमुख आयुक्त दिनेश थपलियाले स्थानीय तहको निर्वाचन सार्न वा स्थगित गर्न नमिल्ने बताएका छन् । निर्वाचन तयारी तिब्र तीमा रहेकाले रोक्न नमिल्ने बताएका छन् ।

निर्वाचन आयोगले विराटनगरमा गरेको कार्यक्रममा उनले निर्वाचन स्थगित गर्न खोज्नु भनेको देशलाई दुर्घटनामा लानु भएकाले यसो गर्न नमिल्ने बताए । थपलियाले निर्वाचनको विषयलाई लिएर विभिन्न आसंकाहरु उब्जिएको भन्दै जनमानसमा यसखालका भ्रम सिर्जना गर्न नहुने भनाई राखे ।

उनले भने, ‘गाडी छुटेको हैन, गाडी छुटेको भए ब्रेक लगाउन पनि सकिन्थ्यो । प्लेन भए नजिकै कुनै विमानस्थलमा अवतरण गराउनसक्ने अवस्था पनि रहन्थ्यो । अहिले निर्वाचनको रकेट छुटिसकेको छ, गन्तव्यमा पु¥याउन नसके दुर्घटना हुन्छ ।’

उनले निर्वाचन आचारसंहिता पालना गर्न आाग्रह गरे । काङ्ग्रेस नेता सशांक कोइरालाले निर्वाचनमा ६ करोड खर्च भएको अभिव्यक्ति दिएपछि आयोगले स्पष्टीकरण सोधेको भन्दै उनले आचारसंहिता उल्लंघन गर्ने दलहरूसँग पनि जवाफ माग गरेको बताए ।