अन्तर–बैंक कारोबार ३ गुणाले बढ्यो

२९ चैत, काठमाडौं । चालु आर्थिक वर्षको आठ महिनामा अन्तर–बैंक कारोबार कारोबार बढेको छ ।

नेपाल राष्ट्र बैंकले सार्वजनिक गरेको तथ्यांक अनुसार फागुन मसान्तसम्म अन्तर–बैंक कारोबार १६ खर्ब २२ अर्बले बढेको तथ्यांक सार्वजनिक गरेको छ ।

आर्थिक वर्ष २०७८/७९ को आठ महिनामा वाणिज्य बैंकहरुको २१०८ अर्ब ६७ करोड र अन्य वित्तीय संस्थाहरु (वाणिज्य बैंकहरुबीच बाहेक)को २५९ अर्ब २४ करोड गरी कुल २३६७ अर्ब ९१ करोडको अन्तर–बैंक कारोबार भएको छ ।

अघिल्लो वर्षको सोही अवधिमा वाणिज्य बैंकहरुको ५९८ अर्ब ६१ करोड र अन्य वित्तीय संस्थाहरुको १४६ अर्ब ७० करोड गरी कुल रु.७४५ अर्ब ३१ करोड अन्तर बैंक कारोबार भएको थियो ।