हिसान विभाजित, सिलवालका कारण दुई अलगअलग कार्यसमिति गठन

२९ चैत, काठमाडौं । उच्च माध्यमिक बिद्यालय ‘हिसान’को काठमाडौंमा यही चैत्र २५ र २६ गते भएको आठौं महाधिवेशन अन्योलमा परेको छ । राष्ट्रपति विद्यादेवी भण्डारीबाट उद्घाटन गरेको हिसान निवर्तमान अध्यक्ष रमेश सिलवालका कारण अन्योलमा परेको हो ।

उद्घाटन सत्रपछि बौद्धिक बहस भएको द पार्क भिलेज रिर्साेटमा स्वघोषणा गरेका अध्यक्ष सिलवालको चौतर्फी आलोचना समेत भएको छ । सामान्य निवाचनको प्रक्रिया समेत नअपनाई आर्फैले अध्यक्षको घोषणा सिलवालले गरेका छन । विभिन्न जिल्लाबाट हिसानका प्रतिनिधिका रुपमा आएका प्रतिनिधि अध्यक्षको शैली शिल्पका कारण चकित परेका छन ।

मधेश प्रदेशबाट आएका शिवनारायण झाले भने “सामान्य कक्षा प्रतिनिधि बनाउँदा त सबै विद्यार्थीको भावना बुझेर बनाईन्छ । यो के हो ? हिसान भनेको सिलवालको घर परिवार हो कि कसो” अचम्म मान्दै गुनासो व्यक्त गरे । महाधिवेशनस्थलमा आफै अध्यक्षलगायत एकल पक्षीय साथीहरुलाई समेटेर आफैले माइक समातेको दृश्य लज्जाजनक थियो ।

काठमाडौ जिल्ला हिसान, वरिष्ठ उपाध्यक्ष स्वागत श्रेष्ठ, आर वि अधिकारी, शिव अधिकारी, भवानी अधिकारी , कृष्ण प्रसाद न्यौपाने, त्रिभुवन कुमार भटट, वंशीराम चौधरी, टंक प्रसाद गैह्रै, रिसी न्यौपाने, रमेश घिमिरे, वासुदेव पोखरेल, डा लुइटेल, सुदर्शन जमरकटेल, केशव धामी, किरण भटटलगायतका व्यक्तित्वहरुले पुनः अधिवेशन गराएका थिए । जसमा निष्ट कलेजका प्राचार्य डा. माधव बरालको संयोजकत्वमा समन्वय समिति गठन गरेका छन । जसमा करिब २ सय भन्दा बढीले हस्ताक्षर समेत गरेका छन । सो बेला अध्यक्ष सिलवाल लाज लागेर मञ्चबाट भागेका थिए ।

डा. माधव बराल हिसानका संस्थापक सदस्य २०५२, हिसानका उपाध्यक्ष , गतवर्षको निवार्चनमा रमेश सिलवाललाई सहमतिमा छाडेका प्राज्ञिक बौद्धिक क्षमतावान , परिपक्व व्यक्तित्व हुन । यसरी अलोकतान्त्रिक, अप्रजातान्त्रिक विधिबाट सामान्य निर्वाचनको प्रक्रिया समेत नअपनाई आफैले अध्यक्षसहित समितिको नाम राखेकोमा धैरै जिल्लाबाट असन्तुष्टि व्यक्त गर्दै सिलवालको समितिमा नबस्ने घोषणा धेरैले गरेका छन ।

डा. माधव बरालले हिसानको हकहितका लागि अप्रजातान्त्रिक पद्दतिका लागि आफू एक्लै भएपनि लडेर प्रजातान्त्रिक पद्दतिको हिसान , बौद्धिक व्यक्तित्वको हिसान बनाउने प्रतिज्ञा गरेका छन । उनले हिसानको अन्तर्राष्ट्रिय सम्मेलनसमेत गर्ने धारणा सार्वजनिक गरेका छन ।