नेप्सेमा महालक्ष्मी विकास बैंकको बोनस शेयर सूचीकृत

२९ चैत, काठमाडौं । नेप्सेमा महालक्ष्मी विकास बैंकको बोनस शेयर सूचीकृत भएको छ । महालक्ष्मी विकास बैंक लिमिटेडको २० प्रतिशत बोनस बापतको ६६ लाख ८४ हजार ८ सय ५ दशमलव ४५ कित्ता शेयर सूचीकृत भएको हो ।

बैंकले गत आर्थिक वर्ष २०७७/७८ को मुनाफाबाट बैंकका शेयरधनीहरूलाई चुक्ता पूँजीको २० प्रतिशत बोनस शेयर र कर प्रयोजनका लागि १.०५ प्रतिशत नगद गरी कुल २१.०५ प्रतिशत लाभांश वितरण गर्ने प्रस्ताव गरेको थियो ।