वीरगञ्जमा कांग्रेसले अरु दलसँग चुनावी तालमेल नगर्ने घोषणा

१ वैशाख, वीरगञ्ज । नेपाली कांग्रेस पर्साका केही नेताहरुले स्थानीय तह चुनावमा गठबन्धन अस्वीकार गर्ने घोषणा गरेका छन् ।

नेपाली कांग्रेस वीरगञ्ज महानगर समिति सभापति मनिन्द्रलाल श्रेष्ठ ‘नेपाली’, क्षेत्र नं. १ का सभापति अरविन्दकुमार गुप्ता, प्रदेश सभा क्षेत्र नं. १ को र २ को ‘क’ र ‘ख’ का क्षेत्रीय सभापतिहरुले गठबन्धन अस्वीकार गर्ने बताएका हुन् ।

साथीहरुको भावना विपरीत निर्वाचनमा समाहित भए पार्टीप्रति ठूलो घात हुने देखिन्छ’, उनीहरुले भनेका छन्, ‘पर्सामा कुनै पनि गठबन्धन स्वीकार नरहेको जानकारी हामी यही विज्ञप्तिमार्फत पार्टी केन्द्रीय कार्यालयलाई गराउछौं ।’

नेपाली कांग्रेस पर्सा क्षेत्र नं. १ का सभापति गुप्ताले कांग्रेस आफैं बलियो पार्टी भएकोले पर्सामा अरुको साथ आवश्यक नभएको बताए ।

महानगर सभापति र क्षेत्रीय सभापतिसहितका नेताहरुले पत्रकार सम्मेलन गरेर वीरगञ्ज महानगरमा कुनै पनि हालतमा अरु दलसँग चुनावी तालमेल नगर्ने उद्घोष गरे। पर्सा क्षेत्र-१ का क्षेत्रीय सभापति अरविन्द गुप्ताले वीरगञ्जका नेता कार्यकर्ताको जनभावना केन्द्रले सुन्ने विश्वास गरे।

‘केन्द्रले हाम्रो चाहना र भावना बुझेन र जबरजस्ती निर्णय लाद्न खोज्यो भने हामी विरोधमात्रै होइन, विद्रोह पनि गर्छौ,ु उनले भने। वीरगञ्ज महानगरमा अरु दलसँग गठबन्धन गर्नुपर्ने आवश्यकता नरहेको केन्द्रीय कार्यसमितिमा लिखितरुपमै जानकारी गराइसकेको उनले बताए।