खुमलटारमा माओवादी केन्द्रिय कार्यालयको विस्तारित बैठक जारी

२ वैशाख, काठमाडौं । स्थानिय तहका निर्वाचनलाई लिएर नेकपा माओवादी केन्द्रको केन्द्रिय कार्यालयको विस्तारित बैठक जारी रहेको छ ।

अध्यक्ष पुष्पकमल दाहाल प्रचण्ड निवासमा जारी बैठकले स्थानिय तहको निर्वाचनमा पाँच दलीय गठबन्धनका बिचमा हुने तालमेलका बारे छलफल भइरहेको छ ।

गठबन्धनका आवद्ध दलका बिचमा केन्द्रमा भएका सहमति र स्थानिय तहमा पार्टीको स्थितिका बारेमा अध्यक्ष प्रचण्डले बिफ्रिङ गरिहेको बताइएको छ ।

बैठकमा पूर्वस्थायी समिति सदस्यहरुको पनि उपस्थिति रहेको छ । आठौं महाधिवेशन यता माओवादी केन्द्रले स्थायी समिति गठन नगरेकाले पूर्व स्थायी समिति सदस्यहरु पनि बैठकमा सहभागी भएका हुन् ।

माओवादी केन्द्र सत्ता गठबन्धनबीचमै चुनावी तालमेल गर्ने पक्षमा छ । सत्ता गठबन्धनमा पनि चुनावी तालमेलको सैद्दान्तिक सहमति भए पनि अझै भागबन्डा टुंगिन सकेको छैन।