सत्ता गठबन्धनले भरतपुरको मेयरसहित आइतबारभित्र चुनावी तालमेलको टुंगो लगाउँछः प्रचण्ड

३ बैशाख, भरतपुर । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आइबारसम्ममा गठबन्धनभित्र विवादित महानगरसहित अरुको पनि चुनावी तालमेलमा सहमति जुटिसक्ने बतएका छन् ।

उनले चितवन भरतपुरको मेयर कांग्रेस वा माओवादी कस्ले पाउने भन्ने टुंगो आइतबार साँझसम्ममा लाग्ने बताएका छन् । भरतपुर विमानस्थलमा शनिबार बिहान पत्रकारहरूसँग उनले आजै गठबन्धनमा चुनावी तालमेलको खाका तयार हुने बताए ।

भरतपुर महानगरपालिकाको मेयरमा गठबन्धनका तर्फबाट कसलाई अगाडि सार्ने भन्ने विषयमा छलफल भइरहेको उनले जानकारी दिए ।

सहमतिका लागि भएका छलफलमा विमति हुन स्वाभाविक रहेको उनको भनाइ थियो । निर्वाचनको समयमा एउटै पार्टीभित्र समेत विवाद बहस हुने भन्दै उनले दलहरूका बीचमा सहमतिमा आउन समय लाग्नु स्वभाबिक रहेको बताए ।