लुक्ला उडेको विमान १५ मिनेटमै काठमाडौं फिर्काएर अवतरण

४ वैशाख, काठमाडौं ।  इन्जिनमा समस्या आएपछि लुक्लाका लागि उडेको समिट एयरको विमान १५ मिनेटमै काठमाडौं फर्किएर सकुशल अवतरण गरेको छ ।

विमान ११ बजेर ५ मिनेटमा उडेको र उड्ने बित्तिकै बायाँ इन्जिन समस्या देखिएपछि पाइलटहरुले एउटा मात्रै इन्जिनका भरमा काठमाडौंमा सकुशल अवतरण गराएको छन् ।

विमानस्थलका प्रवक्ता टेकनाथ सिटौलाका अनुसार उक्त विमानमा १० विदेशी, ५ नेपाली र ३ चालकदलका सदस्यसहित १८ जना सवार रहेका थिए ।

विमान अवतरणका बेला विमानस्थलको इमर्जेन्सी सर्भिस एक्टिभ भएको थियो । उक्त बेला दमकल र सुरक्षा प्रबन्धसहित सबैलाई तयारी अवस्थामा राखिएको थियो ।