तीनबुँदे सहमति कार्यन्वयन गर्न प्रचण्ड र माधव नेपालसँग विप्लव समूहको आग्रह

४ वैशाख, काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपाललाई भटेर विप्लव समूहका नेताहरुले ओली सरकारले गरेका तीनबुँदे सहमति कर्यन्वयनमा लगेर आफ्ना कार्यकर्ता छुटाउन माग गरेका छन् ।

आइतबार भएको भेटमा जेलमा रहेका आफ्ना नेता कार्यकर्ताको रिहाइ लगायत तत्कालिन केपी शर्मा ओली नेतृत्वको सरकारसँग भएको ३ बुँदे सहमति कार्यान्वयनको विषयमा छलफल भएको विप्लव समूहका नेता धर्मेन्द्र वास्तोलाले बताए ।

भेटमा विप्लव समूहबाट नेता वास्तोला र हेमन्तप्रकाश वली, श्रम रोजगार तथा सामाजिक सुरक्षामन्त्री किसान श्रेष्ठ पनि सहभागी थिए । उनीहरुले सहमति भएको लामो समय विति सक्दा पनि आफ्ना कार्यकर्ताहरु नछुट्नु दुखद भएको बताएका थिए ।