गर्भनरमाथिको कारबाही फिर्ता गर्नुपर्ने राष्ट्र बैंकका कर्मचारीको माग

४ वैशाख, काठमाडौं । गर्भनर महाप्रसाद अधिकारीमाथि गरिको कारवाही फिर्ता गर्न माग राख्दै नेपाल राष्ट्र बैंकका कर्मचारीले आइतबार बैंक परिसरमै विरोध प्रदर्शन गरेका छन् । उनीहरुले कालो ब्यानर झुण्डाएर कोणसभा गरेका छन् ।

बैंकको केन्द्रीयलगायत देशभरका कार्यालयमा बिरोध गरिएको कर्मचारीले जनाएका छन् । नेपाल सरकार, मन्त्रिपरिषद्को निर्णयको बिरोध गर्दै नेपाल राष्ट्र बैंक कर्मचारी संघ केन्द्रीय समितिले बालुवाटारस्थित कार्यालयमा ब्यानर झुण्डाएर कोणसभा सम्पन्न गरेको छ ।

उनीहरुले निराधार तथा कपोकल्पित आरोपमा गर्भनर अधिकारीमाथि सुरु गरिएको कारबाही अबिलम्व फिर्ता गरेर अर्थतन्त्रको उद्धारका लागि तत्काल विशेष नीति तर्जुमा गरी कार्यान्वयन गर्ने माग गरेका छन् ।