रामनरेशले जारी गरेको विज्ञप्तिको कुनै तुक छैन : सांसद यादव

४ बैशाख, बिरगंज । जसपा पर्साका अध्यक्ष रामनरेश यादवले व्यक्तिगत रुपमा शनिबार विज्ञप्ति जारी गरेकाले त्यसको भ्रममा नपर्न माननीय प्रदीप यादवले आग्रह गरेका छन् ।

देशभरि महानगरहरुमा माथि बाट गठबन्धन भएकोले पर्साको अध्यक्ष रामनरेश यादवले व्यक्तिगत रुपमा जारी गरेको विज्ञप्तिको कुनै तुक नभएको उनले बताए । गठबन्धनको उम्मेदवार वीरगंज महानगरपालिकाको राजेशमान सिंह नै भएको माननीय यादवले दाबी गर्दै आएका छन् ।

वैशाख ३० का दिन हुन गइरहेको स्थानीय तहको निर्वाचन सन्दर्भमा पर्सामा कांग्रेस र जसपाका दुवै दलले स्थानीय नेता र कायकर्ताको मनोभावनाको कदर गर्दै छुट्टाछुट्टै जिल्लाको १४ वटै स्थानीय तहमा मित्रवत् प्रतिस्पर्धा गर्न जारी गरिएको ’ विज्ञप्तिमा कुनै सत्यता नरहेको सांसद यादव को भनाइ छ ।