युक्रेनमा शृंखलाबद्ध हमलामा परी पाँच जनाको मृत्यु

५ बैशाख एजेन्सी । रुसी सेनाले युक्रेनको दोस्रो ठूलो सहर खार्किभमा गरेको शृंखलाबद्ध हमलामा कम्तीमा पाँच जनाको मृत्यु भएको छ ।

खार्किभ क्षेत्रको स्वास्थ्य विभागका प्रमुख माकस्याम खाउस्टोभले मिसाइल हमलामा ५ जनाको मृत्यु भएको बताएका छन् । उनका अनुसार रुसी मिसाइल हमलाबाट थप १३ जना घाइते भएका छन् ।

शृंखलाबद्ध विस्फोटपछि सहरका केही भागमा आगो लागेको र भवनका छानाहरू भत्किएको अन्तर्राष्ट्रिय सन्चार माध्यमले जनाएका छन् । ती विस्फोटलगत्तै दमकल र अग्नी नियन्त्रक टोली परिचालन गरिएको थियो ।

रुसी सेनाले ६ देखि ८ ओटा मिसाइल हमला गरेको बताइएको छ ।