डिजिटल बैंकिङका लागि सनराइज बैंक र लुम्बिनी विकास बैंकबीच सहकार्य

५ बैशाख, काठमाडौं । ‘स्मार्ट बनौं, डिजिटल बैंकिङ गरौं’ भन्ने मुलमन्त्रका साथ बैंकिङ सेवाहरुमा डिजिटाइजेसनलाई प्रबर्धन गर्दै आएको सनराइज बैंक र लुम्बिनी विकास बैंक बीच पोइन्ट अफ सेल (POS) सेवाका लागि सहकार्य भएको छ ।

आज सनराइज बैंकको केन्द्रिय कार्यालय गैही«धारामा आयोजित एक समारोह बीच सनराइज बैंकका नायब महाप्रबन्धक रबिन नेपाल तथा लुम्बिनी विकास बैंकका नायव प्रमुख कार्यकारी अधिकृत उमेश रेग्मीले सहकार्यको लागि सम्झौतापत्रमा हस्ताक्षर गरेका छन् ।

यस सँगै लुम्बिनी विकास बैंकले कार्डमार्फत हुने डिजिटल भुक्तानी स्वीकार गर्न आफ्ना ग्राहकवर्गलाई पोइन्ट अफ सेल डिभाइस (POS) उपलब्ध गराउन सक्नेछ भने सोको लागि प्राविधिक सेवा तथा कारोबारको सेटलमेन्ट सेवा सनराइज बैंकले प्रदान गर्नेछ ।

सबै क्षेत्र र वर्गसम्म बैंकिङ सेवाको पहुँच पुर्याउने उद्देश्यले बैंकले २०,००० भन्दा बढी मर्चेन्ट नेटवर्क (POS तथा QR ), १५९ एटीएम, १३९ शाखा, १३ एक्सटेन्सन काउण्टर, ९० वटा शाखारहित बैंकिङ सेवामार्फत सेवा प्रदान गर्दै आएको सनराइज बैंक कार्ड पेमेन्ट क्षेत्रमा पनि अग्रणी बैंक हो ।

भिषाको प्रमुख सदस्य समेत रहेको सनराइज बैंकले हामी सँगसँगै भन्ने मुलनाराका साथ अगाडि बढ्दै आफ्ना सदस्य बैंकहरुलाई सहज र सरल ढंगले डिजिटल भुक्तानीका सेवा सुविधाहरु ल्याउनको लागी सदैव अग्रगामी भूमिका निभाउँदै आएको छ । बैंकले यसअघि पनि नेपालमै पहिलो पटक सहकारी संंस्थाका सदस्यहरुका लागि भिषा कार्ड सेवाको सुरुवात समेत गरिसकेको छ ।