कास्कीका सभापतिसहित कांग्रेसका नेताहरु तुरुन्त काठमाडौं आउनूः सभापति देउवा

६ वैशाख, पोखरा । नेपाली कांग्रेसका सभापति शेरबहादुर देउवाले पोखरा महानगरपालिकामा नेपाली कांग्रेस र एकीकृत समाजवादीबीच भइरहेको तनावबारे छलफल गर्न कास्की कांग्रेसका मुख्य नेताहरुलाई काठमाडौं बोलाएका छन् ।

प्रधामन्त्रीको निजि सचिवालय स्रोतले दिएको जानकारी खनुसार उनीहरुलाई गठबन्धनको बैठकका निर्णय सार्वजनिक हुनु अगाडी नै काठमाडौं आइपुग्न भनिएको छ ।

कास्कीमा जिल्ला तहका कांग्रेसका नेताहरु कुनै हालतमा पोखरा मेयर छाड्न नसकिने अडान राखेपछि एकीकृत समाजवादीलाई दिने भएनएको पोखराको मेयर पदमा विवाद भएको छ ।

कांग्रेस जिल्ला र पोखरा महानगर समितिका सचिवहरुले विज्ञप्ति नै जारी गरेर एकीकृत समाजवादीबाहेक दलसँग मात्रै गठबन्धन गर्ने बताए थिए ।

कास्की कांग्रेसमा स्वयम कांग्रेसभित्रै पनि एक मत देखिएको छैन । कास्की सभापति गठबन्धनको बैठकमा छलफल गरिरहेका बेला विज्ञप्ती आएपछि त्यसले सत्ता गठबन्धनको शीर्ष तहमा समेत खैलाबैला मच्चाएको थियो ।

यसै विषयमा छलफल गरी निचोडमा पुग्न कास्की कांग्रेसका नेताहरुलाई बोलाएका हुन् । कांग्रेसले पोखराको मेयरका लागि १८ र उपमेयरका लागि १० जनाको नाम संकलन गरेको छ ।

यही सन्दर्भमा कुरा गर्न कास्कीका नेताहरुलाई प्रधानमन्त्रीसमेत रहेका कांग्रेस सभापति शेरबहादुर देउवाले काठमाडौं बोलाएका हुन् ।

प्रदेशका सभापति शुक्रराज शर्मा, जिल्ला सभापति किशोरदत्त बराल र पूर्वमन्त्री यज्ञबहादुर थापा लगायतका एक दर्जन नेता काठमाडौं हिँडेका छन् ।

अघिल्लो साता जिल्लाका झण्डै १ सय नेता कार्यकर्ताले देउवालाई भेटेका थिए । त्यतिबेला भने देउवाले महानगरका विषयमा कुनै निर्णय नभएको भन्दै जिल्ला फर्कन निर्देशन दिएका थिए ।