पहिले दलभित्र तालमेलबारे कुरा मिलाउन गठबन्धनको बैठक तीन घण्टापछि सारियो

६ वैशाख, काठमाडौं । सत्ता गठबन्धनको बैठक तीन घण्टा पर सारिएको छ । मुलतः नेपाली कांग्रेस र नेकपा एकिर्कत समाजवादी दलभित्र केही समस्या देखिएकाले सो विषयमा आन्तरिक छलफल गर्न बैठक निर्धारित समयभन्दा पछि सारिएको हो ।

प्रधानमन्त्रीको निजि सचिवालयले दिएको जानकारीअनुसार सत्ता गठबन्धनको आजको बैठक दिउँसो दुई बजेलाई सारिएको छ । यसअघि साढे ११ बजे तय भएको बैठक आज दिउँसो दुई बजेलाई सारिएको हो ।

बैठका सुरु हुनु अघि प्रधामन्त्री एवं नेपाली कांग्रेसका सभापति शेरबहादुर देउवाले पोखराबाट काठमाडौं बोलाएका नेताहरु र पार्टीका अन्य नेताहरुसँग छलफल गर्नेछन् । यस्तै समाजवादीमा पनि पोखरामा सहमति नभए के गर्ने भन्ने विषयमा आन्तरिक छलफल गरिँदैछ ।

बैठकमा स्थानीय तह निर्वाचनमा सिट बाँडफाँटको विषयमा छलफल हुने छ । गठबन्धनका नेताहरु आ–आफ्नो अडानमा कायम रहेपछि महानगर र उपमहानपालिकाहरुको भागबण्डा टुंगो लागेको छैन ।