लोसपाबाट मेयरका लागि सिफारिस साह बालकोट पुग्दा भए एमाले

५ वैशाख, जनकपुरधाम ।  जनकपुरधाम उपमहानगरपालिकाको मेयर पदका लागि लोकतान्त्रिक समाजवादी पार्टी (लोसपा)बाट सिफारिस भएका जानकीराम साह नेकपा (एमाले)मा प्रवेश गरेका छन् । लोसपाबाट सिफासिरमा मात्रै परेका उनले टिकटै पाउने भएपछि एमाले रोजेका हुन् ।

जनकपुरधाममा एमालेले पनि मेयरका लागि एकल नाम सिफारिस गरिसकेको छ । एमालेबाट गएको साता व्यवसायी शिवशंकर साह (हिरा)को नाम सिफारिस भएको थियो । तर, साह एमाले प्रवेश गरेपछि हिरालाई टिकट दिने सम्भावना न्यून देखिएको छ ।

उनलाई एमाले अध्यक्ष केपी शर्मा ओलीले पार्टीमा स्वागत गरेका छन् । तत्कालीन राजपाबाट वडा नम्बर–७ को अध्यक्षमा विजयी भएका साह आज भक्तपुरको बालकोट पुगेर एमाले प्रवेश गरेका हुन् । साहले लोसपाबाट टिकट पाउने सम्भावना नदेखेपछि लोसपा परित्याग गरेका हुन् ।

लोसपाबाट जनकपुरधामको मेयरका लागि पाँचजनाको नाम सिफारिस गरिएको छ । प्रदेशसभा सदस्य परमेश्वर साह, जानकीराम साह, अमर पजियार, मनोज चौधरी र सञ्जयकुमार चौधरी मेयरका लागि सिफारिस भएका हुन् ।