भरतपुर महानगर माओवादीलाई दिनुपर्ने भयो, तपाई जिल्ला गएर कार्यकर्ता सम्हाल्नुसः देउवा

 ६ वैशाख, काठमाडौं । नेपाली कांग्रेसका सभापति तथा प्रधानमन्त्री शेरबहादुर देउवाले चितवनको भरतपुर महानगरपालिकाको मेयर पद माओवादीलाई दिनुपर्ने अवस्था आएको बताएका छन् ।

उनले मंगलबार दिउँसो चितवनका जिल्ला सभापतिसहितका नेताहरुलाई बालुवाटारमा बोलाएर भरतपुरमा धेरै झमेला नगर्न र जिल्लामा गएर कार्यकर्ता सम्हाल्न आग्रह गर्दै यस्तो बताएका हुन् ।

देउवाले बोलाएपछि प्रधानमन्त्री निवास बालुवाटार पुगेका चितवन जिल्ला सभापति राजेश्वर खनालसँय भरतपुरको मेयर पद माओवादी केन्द्रलाई दिनुपर्ने बाध्यता नै आइपरेको बताए थिए ।

उनले काठमाडौं, ललितपुर र विराटनगर हामीले लिनुपर्ने भयो, भरतपुर माओवादीलाई दिनपर्ने भयो त्यसैले तपाईंले जिल्लाको माहोल सम्हाल्नुप¥यो भनेका थिए ।

जवाफमा जिल्ला सभापति खनालले जिल्लामा कार्यकर्ताहरु भरतपुर महानगरपालिकाको मेयर छाड्न नहुने पक्षमा रहेकाले आफूले सम्हाल्न नसक्ने बताएका थिए ।

बालुवाटारबाट फकिएपछि सभापति खनालले भविष्यमा आउने निर्वाचन परिणामको जिम्मेवारी आफूले लिन नसक्ने र त्यसको जिम्मा पार्टी केन्द्रीय सभापतिकै हुने बताएका छन् ।