नेपाली कांग्रेसले तीन महानगर लिनेगरी सत्तारुढ पाँच दलमा भागबण्डाको सहमति

६ वैशाख, काठमाडौं । सरकारको नेतृत्व गरिरहेको नेपाली कांग्रेसले तीन वटा महानगरपालिको नेतृत्व लिने गरी सत्तारुढ गठबन्धनले महानगरपालिकाको भागबण्डामा सहमति जुटाएको छ । भरतपुर र पोखरा क्रमसः नेकपा माओवादी र नेकपा एसलाई दिने भनिएपनि सार्वजनिक गरिएको छैन ।

मंगलबार दिउँसो बालुवाटारमा भएको गठबन्धनका शीर्ष नेताको बैठकले ६ मध्ये तीन महानगर कांग्रेसले लिने, माओवादी, एकीकृत समाजवादी र जनता समाजवादी पार्टीले एक÷एक महानगरको नेतृत्व लिने सहमति गरेको हो । थप विषयमाथि बैठकमा छलफल भइरहेको छ ।

सहमतिअनुसार पोखरा महानगरपालिकाको नेतृत्व एकीकृत समाजवादीले पाउनेछ । त्यस्तै नेकपा माओवादी केन्द्रले भरतपुर महानगरपालिका र जनता समाजवादी पार्टीले वीरगञ्ज महानगरपालिकाको नेतृत्व पाउनेछ ।

नेपाली कांग्रेसले काठमाडौं, ललितपुर र विराटनगर महानगरपालिकाको नेतृत्व लिने सत्तारुढ गठबन्धनको बैठकमा सहभागी एक नेताले जानकारी दिए । सहमतिको खाका मंगलबार साँझसम्म तयार हुने उनले बताए ।