जीतपुरमा एमालेका दुई पक्षबीच झडप : वडा अध्यक्ष घाइते, तीन जना प्रकाउ

७ बैशाख, वीरगञ्ज । बाटोको विषयमा नेकपा (एमाले)का दुई पक्षबीच झडप भएको छ । बाराको जीतपुर सिमरा उपमहानगरपालिका–२३ मा वडा अध्यक्ष असलम देवान र वडा अध्यक्षका प्रत्यासी मुस्तकिम अन्सारी पक्षबीच झडप भएको हो ।

झडपमा वडा अध्यक्ष देवानको घाँटी, छाती र ढाडमा चोट लागेको छ । दुई पक्षबीच भएको झडपमा वडा अध्यक्ष देवानसहित ६ जना घाइते भएका छन् ।

बाटोको विषयमा एमालेका दुवै पक्षको विवादमा घाइते भएका उनीहरूको नारायणी बयोधा अस्पतालमा उपचार भइरहेको छ ।

यस्तै मुस्तकिम पक्षका चाँद महम्मद, अनु आरुल महम्मद र मुस्ताक अन्सारी पनि घाइते भएका छन् । उनीहरूको वीरगञ्ज हेल्थकेयर अस्पतालमा उपचार भइरहेको प्रहरीले जनाएको छ । प्रहरीले घटनामा संलग्न रहेको आरोपमा तीन जनालाई नियन्त्रणमा लिएको छ ।