महानगर र उपमहानगरको उम्मेदवार टुंग्याउन बालकोटमा एमालेको बैठक जारी

१० वैशाख, काठमाडौं । नेकपा एमालेको सचिवालय बैठक जारी छ । अध्यक्ष केपी शर्मा ओलीको निवास बालकोटमा जारी बैठकमा महानगरपालिका र उपमहानगरपालिकाको उम्मेदवार टुंगो लगाउन प्रस्तावित नामहरुमाथि छलफल भइरहेको छ ।

३० वैशाखमा हुने स्थानीय तह निर्वाचनका लागि आइतबार र सोमबार मनोनयनको समय तोकिएको छ । मनोनयनको अघिल्लो दिन महानगर र उपमहानगरपालिकाको उम्मेदवार टुंगो लगाउन एमालेको बैठक बसेको हो ।

बिहीबार बसेको सचिवालय बैठकमा महानगर र उपमहानगरपालिकाको मेयर र उपमेयरको आकांक्षीहरुको नाम प्रस्तुत गरिएको थियो ।

एमालेमा महानगर र उपमहानगरपालिकाको मेयर र उपमेयरको उम्मेदवार छनोटको अधिकार केन्द्रीय समितिलाई छ ।