२०२९ सालदेखि चुनाव नहारेका व्यञ्जनकारले फेरि दिए उम्मेदवारी

११  वैशाख, काठमाडौं । लगातार स्वतन्त्र उम्मेदवारका रूपमा वडाध्यक्षमा निर्वाचित भएका नरसिंह व्यञ्जनकार स्थानीय तहको आगामी चुनावका लागि पनि उम्मेदवारी दिएका छन् ।

८१ वर्षीय व्यञ्जनकारले आइतबार ललितपुर महानगरपालिका वडा नम्बर १० को अध्यक्षमा उम्मेदवारी दर्ता गराएका हुन् । उनले ललितपुर–१० को वडाध्यक्षमा पहिलो नम्बरमा उम्मेदवारी दर्ता गराएका हुन् ।

व्यञ्जनकारले अहिलेसम्म कुनै चुनाव हारेका छैनन् । पहिलो पटक चुनाव लड्दा तत्कालीन ललितपुर नगरपालिका वडा नम्बर १ को अध्यक्षमा उनले कांग्रेस उम्मेदवारलाई हराएका थिए । २०२९ मा ललितपुर नगरपालिका वडा नम्बर १ बाट अध्यक्षमा जितेका थिए ।

गत चुनावमा भने व्यञ्जनकारले निकटतम प्रतिद्वन्द्वी कांग्रेसका कर्मलाल व्यञ्जनकारलाई ९७ भोटले हराएका थिए । नरसिंहले ६ सय ९१ मत ल्याए भने कर्मलालले ५ सय ९४ र एमालेका कुलबहादुर आचार्यले १ सय ८७ मत ल्याएका थिए ।