कांग्रेस गर्यो पारदर्शीता र जवाफदेहितामा १० प्रतिबद्धता

११ वैशाख, काठमाडौं । नेपाली कांग्रेसले ८८ पृष्ठ लामो चुनावी घोषणापत्र सार्वजनिक गर्दै त्यसलाई कांग्रेसको संकल्प नाम दिइएको छ । उसले सार्वजनिक गरेको संकल्पमा पारदर्शीता र जवाफदेहितका लागि १० प्रतिबद्धता भने यस्ता छन् ।

१. नागरिक बडापत्र जारी गरी सेवाको सार्वजनिकीकरण गर्ने,

२. आयोजनाहरूको प्राथमिकीकरण र छनोटको सार्वजनिक सुनुवाइ गर्ने,

३. नीति, कार्यक्रम र योजनाको आवधिक रूपमा लक्ष्य तथा प्रगति प्रतिवेदन सार्वजनिक गर्ने,

४. आवधिक वित्तीय विवरणको सार्वजनिकीकरण गर्ने,

५. विकासको गुरुयोजनालगायत वार्षिक कार्यक्रम, बजेट एवं कार्यमूलक पक्षका विस्तृत विवरण पारदर्शी बनाउनका लागि औपचारिक संयन्त्रको विकास गर्ने,

६.जनप्रतिनिधि एवं नागरिक सम्मिलित एक अनुगमन संयन्त्र गठन गरी पारदर्शीता एवं जवाफदेहीता सम्बन्धमा अनुगमन गर्ने,
७. पारदर्शिता मापन र पालनाका लागि  संयन्त्रको व्यवस्था गर्ने,

८. सक्रिय सुशासन तथा लेखा समिति, वित्तीय अनुसाशन कायम गर्ने,

९. नागरिकबाट प्राप्त गुनासा अभिलेखीकरण, कारबाही र व्यवस्थापन गरी त्रैमासिक प्रतिवेदन प्रकाशन गर्ने,

१०. आयोजना तथा कार्यक्रमहरूको सामाजिक परीक्षण  गर्ने ।