पोखरामा भित्र कांग्रेस पदाधिकारी बैठक, बाहिर ताला

११ वैशाख, पोखरा । पोखरामा नेपाली कांग्रेसका असन्तुष्ट कार्यकर्ताहरले भित्र बैठक गरिरहेका नेताहरुलाई बाहिरबाट ताला लगाएर थुनेका छन् ।

पोखरा महानगरपालिकामा चुनावी तालमेलको विपक्षमा रहेका नेपाली कांग्रेसका कार्यकर्ताले जिल्ला समिति कास्कीका पदाधिकारीलाई पार्टी कार्यालयमा थुनेका हुन् ।

सत्तारुढ गठबन्धनभित्र पोखरा महानगरपालिकाको मेयरको उम्मेदवार कांग्रेसले पाउनुपर्ने माग गर्दै आएका उनीहरुले जिल्ला समितिका पदाधिकारी बैठकमा रहेका बेला थुनिदिएका हुन् । सत्तारुढ गठबन्धनमा पोखराको मेयरको उम्मेदवार नेकपा एकीकृत समाजवादीले पाउने सहमति भइसको छ ।