आइतबार काठमाडौं महानगरकको मेयरका लागि १६ जनाको मात्रै मनोनयन दर्ता

११ वैशाख, काठमाडौं । स्थानीय तहको निर्वाचनका लागि मनोनयनको पहिलो दिन आइतबार काठमाडौं महानगरपालिकाको मेयरका लागि १६ जनाले मात्रै मनोनयन दर्ता गराएका छन् ।

राष्ट्रिय सभा गृहमा स्थापना गरिएको प्रमुख निर्वाचन अधिकृतको कार्यालयमा ४ जना महिला र १२ जना पुरुषले मेयरका लागि उमेदवारी दर्ता गराएका हुन् ।

निर्वाचन कार्यालयका शाखा अधिकृत प्रेमकुमार श्रेष्ठकाअनुसार पार्टीको प्रतिनिधित्व गर्दै ७ जनाले र स्वतन्त्र रूपमा ९ जनाले मनोनयन दर्ता गराएका छन् ।
उपमेयरका लागि १७ जनाले मनोनयन दर्ता गराएका छन् । यसैगरी वडाध्यक्षमा २३ जना र वडा सदस्यमा ७ जनाले मनोनयन दर्ता गराएका छन् ।

निर्वाचन तालिकाअनुसार भोलि ५ बजेसम्म उमेदवारको मनोनयन दर्ता हुने छ । वैशाख १३ विहान १० बजेदेखि अपराह्न ५ बजेसम्म उमेदवारको विरोधमा उजुरी दिने समय तोकिएको छ ।