काठमाडौं महानगरको मेयरमा कांग्रेसको उम्मेदवार सिर्जना सिंह

१२ वैशाख, काठमाडौं । नेपाली कांग्रेसले काठमाडौं महानगरपालिकाको मेयरमा सिर्जना सिंहलाई उमेदवार बनाउने निर्णय गरेको छ । सिंहले आज दिउँसो उमेदवारी दर्ता गराउने छिन् ।

दिउँसो शान्तिबाटीकामा भेला भएर उमेदवारी दर्ता गराउन जाने काठमाडौं कांग्रेसले जनाएको छ । आज साँझ ५ बजेसम्म उमेदवारी मनोनयन दर्ताको समय तोकिएको छ । सिंह कांग्रेस नेता प्रकाशमान सिंहकी पत्नी हुन् ।