कांग्रेसले छान्यो हेटौंडा, धुलिखेल र थाहाका उपमेयरका उम्मेदवार

१२ वैशाख, काठमाडौं । नेपाली कांग्रेसले हेटौडा उपमहानगरपालिका उपप्रमुखमा राजेश बानियाँलाई उम्मेदवार बनाएको छ । कांग्रेस बागमती प्रदेश कार्यालयका मुख्यसचिव राजु नेपालले बानियाँलाई उपप्रमुखको उम्मेदवार बनाएको जानकारी दिए ।

नेपालका अनुसार धुलीखेल नगरपालिकाको उपमेयरमा कांग्रेसले निराजन जंगमलाई उम्मेदवार बनाएको छ । यस्तै थाहा नगरपालिका उपप्रमुखमा भरत गोपालीलाई उम्मेदवार बनाइएको नेपालले बताए ।

हेटौडामा गठबन्धनबाट एकीकृत समाजवादीले मेयरमा उम्मेदवारी दिँदै छ भने थापा र धुलिखेलमा माओवादी केन्द्रको भागमा प्रमुख परेको छ ।