विहान ११ बजे सम्ममा १३ हजार ८८६ जनाले उमेदवारी दर्ता गराएः आयोग

१२ वैशाख, काठमाडौं ।  निर्वाचन आयोगले स्थानीय तह निर्वाचनका लागि उमेदवारी मनोनय दर्ता जारी रहेको र ११ बजेसम्म कूल १३ हजार ८८६ जनाको उमेदवारी दर्ता भएको जनाएको छ । निर्वाचन आयोगले मनोनयन दर्ताका लागि आइतबार र सोमबारको समय छुट्याएको छ ।

उम्मेदवारी मनोनयन जारी रहँदा मेयरतर्फ ६१३, गाउँपालिका अध्यक्षतर्फ ४७६, उपमेयरमा २८६, गाउँपालिका उपाध्यक्षमा ३०३ जनाले उमेदवारी दिएका छन् ।

त्यसैगरी, वडा अध्यक्षमा तीन हजार ५४६, महिला सदस्यहमा दुई हजार ६९, दलित महिला सदस्य एक हजार ६६४, सदस्यमा चार हजार ४४७ जनाले उमेदवारी दिएका आयोगले जनाएको छ ।