भरतपुरको मेयरमा विप्लव नेतृत्वको नेकपाका शर्माको स्वतन्त्र उम्मेदवारी

१२ वैशाख, भरतपुर ।  निर्वाचन आयोगमा दल दर्ता नभएको नेत्रविक्रम चन्द नेतृत्वको नेकपा माओवादीले भरतपुरको मेयरमा उम्मेदवारी दर्ता गरेको छ ।

विप्लवनिकट नेकपा माओवादीका भरतपुर इन्चार्ज दुर्गाप्रसाद शर्माले मेयरमा उम्मेदवारी दर्ता गराएका हुन् । पार्टी निर्वाचन आयोगमा दर्ता नभएको अवस्थामा पार्टीकै तर्फबाट आफूले स्वतन्त्र रूपमा महानगरको मेयरमा उम्मेदवारी दिएको उनले बताए ।

चन्द नेतृत्वको माओवादीले स्थानीय तहको निर्वाचनमा आधिकारिक रुपमा भाग लिएको छैन । पार्टीले लामो समयसम्म निर्वाचनलाई कुन रुपमा प्रयोग गर्ने भन्ने निर्णय गर्न नसक्दा उसको दल निर्वाचन आयोगमा दर्ता समेत हुन पाएको थिए ।