सिंह निवास चाक्सीबारीमा बढ्यो चहलपहल

१३ बैशाख, काठमाडौं । काठमाडौं महानगरको मेयरमा गठबन्धनको तर्फबाट नेपाली कांग्रेसकी नेतृ सिर्जना सिंहले उम्मेद्धवारी दर्ता गराएपछि प्रकाहमान सिंग निवास चाक्सीबारीमा चहलपहल बढेको छ ।

अहिले सिंह निवास चाक्सीबारीमा चुनावी रणनीति बनाउनको लागि भन्दै कांग्रेसका नेता र कार्यकर्ताहरको बाक्लो उपस्थिति हुन थालेको छ ।

‘संस्कार, संस्कृति र सभ्यताको सम्मान, मेयर पदमा सिर्जना सिंहलाई मतदान’ नारा दिएर सिंहका समर्थकहरुले प्रचारप्रसार तिव्र पारिसकेका छन् ।

आज सिंह निवासमा कांग्रेस केन्द्रीय सदस्य तथा प्रधानमन्त्री पत्नी डा. आरजु राणापनि पुगेकी छिन् । त्यस्तै, महामन्त्री गगन थापा र नेता राजन केसी पनि पुगेका थिए ।