देशभर थप १५ जनालाई कोरोना पुष्टि

१५ बैशाख, काठमाडाैं। पछिल्लो २४ घण्टामा देशभर थप १५ जनालाई कोरोना भाइरस संक्रमण पुष्टि भएको छ ।

स्वास्थ्य मन्त्रालयका अनुसार ५ हजार ८ सय ७५ जनाको कोरोना परीक्षण हुँदा १५ जनालाई संक्रमण पुष्टि भएको हो । सोही अवधिमा १८ जना संक्रमणमुक्त भएका छन् भने कसैको पनि संक्रमणबाट मृत्यु भएको छैन ।

अहिले देशभर २४९ जना सक्रिय संक्रमित रहेका छन् । कोरोना संक्रमण पुष्टि हुनेमा काठमाडौंमा ९, ललितपुरमा १, कास्कीमा २, महोत्तरी, सुनसरी सिराहामा १ र १ जना रहेका छन् ।