६ महानगरबाहेक एक करोड ८० लाख ४५ हजार मतपत्र छापिए

१६ वैशाख, काठमाडौं । निर्वाचन आयोगले ६ महानगरपालिकाबाहेक अन्य सबै स्थानीय तहको मतपत्र छपाइ सकिएको जनाएको छ । निर्वाचन आयोगका सहसचिव तुलसीबहादुर श्रेष्ठले ६ महानगरबाहेक ७४७ स्थानीय तहको मतपत्र छपाई सकिएको जानकारी दिए ।

यसैगरी, आयोगले वैशाख १३ गतेदेखि छपाइ भएको मतपत्र ढुवानी सुरु गरेको छ । बिहीबारसम्म ३३ जिल्लामा मतपत्र ढुवानी भइसकेको छ ।

वैशाख ३० गते हुने निर्वाचनका लागि आयोगले एक करोड ९४ लाख मतपत्र आवश्यक पर्ने जनाएको छ । त्यसमध्ये एक करोड ८० लाख ४५ हजार मतपत्रको छपाइ सम्पन्न भएको सहसचिव श्रेष्ठ जानकारी दिए ।