पछिल्लो २४ घण्टामा थप पाँच जनामा कोरोना पुष्टि

१७ बैशाख, काठमाडौं । नेपालमा पछिल्लो २४ घण्टामा पाँच जनामा कोरोना भाइरसको संक्रमण पुष्टि भएको छ ।

पीसीआर र एन्टिजेन गरी दुई हजार दुई सय १४ जनाको नमूना परीक्षण गर्दा पाँच जनामा कोरोना भाइरसको संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

यस्तै, थप १७ जना कोरोना संक्रमित निको भएसँगै सक्रिय संक्रमितको सङ्ख्या दुई सय ३० जनामा झरेको छ । पछिल्लो २४ घण्टामा कोरोना सङ्क्रमणका कारण कसैको पनि ज्यान गएन ।