एमाले अध्यक्ष ओली आज हेटौंडा जाँदै

नेपालबहस संवाददाता

बैशाख १८, २०७९ आइतबार १३:२३:३२

१८ वैशाख काठमाडौं । नेकपा एमालेका अध्यक्ष केपी शर्मा ओली हेटौंडा जाँदै छन् ।

स्थानीय तह चुनाव र अन्तर्राष्ट्रिय श्रमिक दिवसको अवसरमा आयोजना हुन लागेको आमसभालाई सम्बोधन गर्न ओली हेटौंडा जान लागेका हुन् । एमाले मकवानपुरका अध्यक्ष एकालाल श्रेष्ठले आमसभामा जिल्लाको १० वटै स्थानीय तहबाट ४० हजारभन्दा बढी सर्वसाधारण उतार्ने बताए।

हेटौंडाका विभिन्न चार वटा नाकाबाट पैदल ¥याली गरी हुप्राचौरमा जम्मा भएर मध्याह्न १२ बजे कार्यक्रम सुरु गर्ने बताइएको छ। १ बजे पार्टी अध्यक्ष ओलीले कार्यक्रमलाई सम्बोधन गर्ने कार्यक्रम रहेको उनले जानकारी दिए ।

नेपालबहस संवाददाता

नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

लेखकबाट थप