प्रहरी महानिरीक्षक नियुक्तिविरुद्ध सर्वोच्चमा परेको रिटको सुनुवाई बुधबार

१९ वैशाख, काठमाडौं । सरकारले गरेको नेपाल प्रहरीको महानिरीक्षक नियुक्तिविरुद्धमा सर्वोच्च अदालतमा परेको रिटमाथि पर्सि बुधबार सुनुवाई हुने भएको छ । नियुक्तिविरुद्ध एआईजी विश्वराज पोखरेलले सोमबार सर्वोच्चमा रिट निवेदन दिएका थिए ।

उनले वरिष्ठता र कार्यसम्पादन मूल्यांकनमा आफू अगाडि रहेको भन्दै धिरजप्रताप सिंहलाई प्रहरी महानिरीक्षकमा नियुक्ति गर्नु कानुन विपरीत रहेको भन्दै रिट दायर गरेका हुन् ।

पोखरेलले दायर गरेको रिटमाथि बुधबार सुनुवाइ हुने सर्वोच्च अदालतका सहायक प्रवक्ता देवेन्द्र ढकालले जानकारी दिए । सवोच्चले सुनुवाइपछि यसबारे निर्णय दिनेछ ।