चन्द नेतृत्वको नेकपा विभाजित, विद्रोही नेताहरुले नयाँ पार्टी घोषणा गर्दै

२१ वैशाख, काठमाडौं । स्थानीय तह निर्वाचनको विषयबाट सुरु भएको नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी(नेकपा) अन्तत विभाजनको मोडमा पुगेको छ । असन्तुष्ट पक्षका नेताहरुले बुधबार (आज) चितवनमा भेला आयोजना गरी नयाँ पार्टी घोषणाको तयारी गरेका छन् ।

चुनावको विषयले विवाद गर्दै गएपछि विप्लवले कारबाही गरेका धर्मेन्द्र बास्तोला र हेमन्तप्रकाव वलीको नेतृत्वमा चितवनको पर्सामा आजदेखि राष्ट्रिय भेला सुरु हुन लागेको हो ।

भेला तीनसम्म चल्ने र एकताको आहृवान गर्दै नयाँ पार्टी घोषणा गर्ने बताइएको छ । एकताको आहृवान गर्दै नयाँ पार्टी बनाउन, अरु पार्टीसँग एकता गर्ने लगयतका विषयमा छलफल भइरहेको बताइएको छ ।

पार्टीको अनुशासन उल्लंघन गरेको भन्दै विप्लवले १४ वैशाखमा दुई नेतालाई पार्टीबाटै निस्कासन गरेपछि विभाजन लगभग निश्चित नै भइसकेको थियो । नयाँ पार्टीको नाम के राख्ँने भन्नेबारे आधिकारी निर्णय भने नभएको बताइएको छ ।